الصفاة

امس كننا في حولي
خلصنا جم شغله و شفت محل بوظه عربيه
و قلت نجربهاا و نزلنا و اشترينا
وطبعا في نكهات لذيذه و عجوبنا احنا الثنتين و في نكهات عجبوني و ما عجبوها
بس اهم ما في الموضوع انها وصت البياع يخلي لون الأخضر اول طبقهو طبعا عشان عرباويه

و هذي صوره البوظه:

و كننا بنرد البيت و الوالده الله يطول بعمرها دقت علينا و قالت نبي بيبسي عالعشا
شوي و الوالد طال عمره دق و يبي شغله ثانيه حق البيت
قلنا نروح مركز سلطان حولي اللي ولا مره رايحيله
هم نشوفه و هم نشتري اللي يبونه
طبعا ما كننا مخلصين البوظه اللي بيدنا
سفطت و قعدنا بالسياره ناكل عشان نخلص و ننزل
و فجأة البرج اللي جدامنا جذبني
بتصميمه و الوانه و نافوره الماي و شلال الماي اللي عليه
و طبعا الالوان تتغير و حدنا استانسنا ان اول مره نكتشف هالبرج
و انصحكم تروحون و تشوفونه
اسمه برج الصفاة و صاير مقابل المهلب و و نادي القادسيه و مركز سلطان