مرض المغازل

هالمرض منتشر بصورة غير طبيعيه بالديره

وطبعا ماله اي وقت محدد يعني عادي تشوفه الصبح,الظهر,العصر,المغرب او باليل

و عادي تشوفون هالظاهره بأي مكان مثلا السوق,الجمعيه,خط السريع و البحر اتوقع شي جدا عادي

و اللي صار شي جدا عادي ولازم نتعود عليه ان لازم نتوقع هالمرض في كل حالاتنا

رايحين الدوام,رادين من المستشفى،رايحين زواره او رادين من عرس

يعني اللي حاطه مكياج و اللي مو حاطه و اللي جلحه ملحه, كلهم لهم نصيب و محد مفتك

واللي يبط الجبد ان هالمرض منتشر من ناس مريضين و يمرضون الشارع بعد معاهم

يعني احنا رايحين الدوام و منحاشين من الزحمه و الشارع 3

و تلقى 2 منهم مسكرين و السبه واحد قاعد يتحرش باللي يمه

و المشكله انهم مسكرين الشارع و السرعه اقل من ال40,جنهم ماشين على البيض

و اذا اشتغلت عليهم هرنااات ,عبالهم قاعد تعزفلهم انغاام موسيقيه جميله

اهني تذكر المثل اللي يقول: إذا لم تستحي فاصنع ما شئت ...
يعني صج ناس ما يستحوون,يعني اذا انتو ما تستحون و ما تخافون من ربكم

اشذنبنا احنا ,اشذنب الناس اللي وراكم و مستعيلين بيروحون دوامتهم؟؟

ناس فاضيه و مالهم شغله ولا مشغله و يتحرشون باللي رايحه و اللي راده

الحلوه و الجيكره,اللي كاشخه و اللي مبهذله

يعني المهم من الجنس اللطيف و بس

و ماعنده اي مانع لو تحرش و غازل مليوون وحده باليوم

انا وحده مالي شغل باي احد و الكل يعرفني بس للاسف تصيرلي مواقف وايد و انحرج منهاا

يعني ساعات صج يحرجون البنيه جدام العالم و الناس,مع ان البنيه مالها ذنب

مثلا امس طالعه من البيت و رايحه المصور و مو منتبه على اي احد ما اشوف الا سياره تسايرني

جدامي كان زحمه و اهو على يساري و جدامه فاضي و معلق السيارات اللي وراه و كل سياره تصير على يميني تخزني

و الصراحه حيل انحرجت بس شنو بيدي اسوي؟؟؟

طبعا هذا موقف من المواقف الكثيره اللي تصيرلي و تسببلي احراج و مشاكل

انزين بدل هالعمايل اللي تسووونهم,ليش ما تخافون على بنااتكم مو يمكن وحده من هالبنات تكون اختك او اي وحده تصيرلك

ترضى على اختك اللي ترضاها على اخت غيرك و بنت الناس؟؟

يا كثر البنات اللي راحو من هالدنيا بهالسبه هذي

!!!خافوا ربكم يا بشــــر